اسم الله الوكيل هو أقرب اسم ليك في الدنيا
{حَسْبُنَا اللهُ وَنِعْمَ الْوَكِيلُ}
أقوى مهدئ أكبر علاج للهم
اسم يخرج كل الناس من قلبك، تستغني به عن الناس كلها
الله عارض عليك انه يكون وكيلك {فَاتَّخِذْهُ وَكِيلًا}
(ولا تكلني إلى نفسي طرفة عين)
ولا ثانية يسيبك
(أنا بك)..
مش بيا ولا بمجهودي
المتوكل إنسان فاهم إن العمل عمل ربنا
الله وكيلك يا كل واحد خايف من بكرة و يا كل مظلوم و يا كل مذنب
الله وكيل أولادك
اوعى تفتكر إنك لما تموت دعوتك ليهم هتموت
الله وكيلك تقف على باب غيره ليه يا كل واحد في الحياة ؟!
يا أمة محمد (وَهُوَ عَلَىٰ كُلِّ شَيْءٍ وَكِيلٌ)
التوكل لو دخل حياتك بيعمل انقلاب في الموازين
سيدنا يونس لما توكل على الله .. الحوت انقلب وبقى غواصة وأصبحت نزهة بحرية
أم موسى ماسكة ابنها في حضنها وخلاص هتصرخ وربنا بيقولها:
{وَأَوْحَيْنَا إِلَىٰ أُمِّ مُوسَىٰ أَنْ أَرْضِعِيهِ ۖ فَإِذَا خِفْتِ فَأَلْقِيهِ}
ألقيه فين يارب ‼️ ازاي في البحر ❗️
أنتِ مش بترميه في الماء أنتِ بتحطيه في إيد ربنا (الأم المتوكلة)
ربنا ذلل كل الأسباب ونهاية المشهد سيدنا موسى بين أحضان أمه ترضعه
النبي ﷺ شاب في مكة يسمى الصادق الأمين
فجأة بقى الكذاب الساحر
بدأوا يخنقوه ويسقط مغشي عليه عند الكعبة، طرد ومشى على رجليه في الحر، والأطفال بيقذفوه بالحجارة
يرجع يصرخ إلى من تكلني أنت ربي ورب المستضعفين
أسد بسبب التوكل
توكل على الله واسعى بقدرك والله يعطيك بقدره
سعيك مجرد عبادة تعبد ربنا بيها
الناس في الدعاء ثلاث أصناف:
١) معرض عن الدعاء .. بالنسبة له مش هيعمل حاجة في حياته لا في مشكلة ولا في سراء
٢) مذبذب مبيدعيش إلا في مشكلة وبعدين يرجع ويتخلى عن وعوده لله
٣) عايش بالله، الله وكيله على طول على باله في حياته كلها
خسائر عدم التوكل مفحمة لما تقف على باب مزيف مثل المخلوق
