نقاط لتربية أولاد أسوياء ..

نقاط لتربية أولاد أسوياء ..

تربية ولادك تربية سوية أصعب حاجة ممكن تعملها دلوقتي على الإطلاق !

عشان كده انت محتاج تاخد بالك من الكام نقطة دول :

_اتعلم كتير جدا ، وأهم من إنك تتعلم وبس إنك تطبق اللي بتتعلمه .. وخلينا فاكرين دايما إن العلوم التربوية مش كل حاجة فيها صح تماما .. لازم يبقى عندك دليل -Mentor- ومع الوقت يبقى ليك تجاربك الخاصة

_ لازم يكون الاتصال مفتوح بينك وبين ولادك رايح جي .. كلام واستماع .. مهما كان عندك مشاغل ومشاكل (لو حتتكلم وتوجه بس فده غلط جدا .. ولو حتسمع بس يبقى فين التصليح)

_ الاتصال الجسدي مهم جدا جدا مهما العيال كبرو .. كل واحد في الدنيا بيحتاج "لدفء" المشاعر في تعاملاته مع اللي بيحبهم

 (لو صغير قعده على رجلك لو كبير قعده جنبك أو قدامك ورجلك في رجله .. لو أكبر حط ايدك على كتفه .. وعلى الأقل من وقت للتاني حضن دافئ يحس فيه بحبك)

_ لازم يحس بحبك جدا في كلامك قبل أفعالك .. متقولش دول ولادي وأكيد بحبهم .. هما محتاجين يسمعو ده منك ويشوفوه في تصرفاتك 

_ الحزم والحزم والحزم .. خليك حازم في كلامك وتصرفاتك .. 

بس خلى بالك من الأول إنك لازم تختار مواقفك اللي حتكون حازم فيها صح ، عشان لما "تعصلج" معاهم في حاجة يبقى معاك حق مش العكس 

_كلامك مسئول بيطلع بحساب .. متقولش اي كلمة مش حقيقية .. متقولش اي كلمة مش واثق فيها .. متقولش عقاب انت مش حتنفذه .. الكلمة مسئولية 

_ لو حتعاقب يبقى لازم تتعلم ان العقاب الهدف منه إصلاح ابنك مش تنفيث غضبك .. متعاقبش وانت غضبان .. متعاقبش عقاب كبير على حاجة صغيرة أو العكس 

_مفيش أهم من ولادك في الدنيا .. دايما فضيلهم وقت تكون معاهم .. العب معاهم الألعاب اللي يحبوها .. انزل لمستواهم .. قرب منهم ذهنيًا قبل جسديًا .. احتويهم 

_خليك دايما قدوة صالحة ليهم .. وعرفهم ان كل الناس بتغلط حتى انت .. لو اخطئوا فديه مش نهاية العالم المهم يتعلموا يتعاملوا مع اخطائهم بشكل سليم

_التربية هي سياسة النفس الطويل .. واللي نفسه أطول ومعاه أدواته وماشي صح اكيد حيوصل في يوم من الأيام إن شاء الله .. ولو فرضًا موصلتش فديه من عند ربنا ومأجور بنيتك وعملك السليم .. المهم انك تعمل اللي عليك مظبوط وكثف دعائك واخلاصك لله 

_الخوف على الذرية من فتن الدنيا ؛

‏يدفعك إلى إصلاح نفسك أولاً 

‏لأنه أساس صلاح الأبناء ..

‏قال سعيد بن المسيّب لابنه ذات يوم : " لأزيدنّ في صلاتي من أجلك يا بُنيّ رجاء أن أُحفظ فيك ، ثم تلا قول الله : (وكان أبوهما صالحاً ) "

_ رفقًا بالأبناء من العلاقات المتوترة بين الوالدين؛

والتي تنتج عنها تربية متوترة غير مؤثرة.

‏ البيت الهادئ المستقر المتفاهم المتحاب هو البيت الذي يربي، وما عدا ذلك فوهم وسراب.

‏ إلى من يختار حياة الصراخ والهجر والخلاف، أولادكم يتفلتون من بين أيديكم، يفقدون نعمة الترابط والشعور بحلاوة الحياة، يتعرضون للضياع في دروب الحياة الوعرة.

تصالحوا .. تنجحوا

ففلذة الكبد تجد ألمه في كبدك..

_حين نمتدح صفة إيجابية في أطفالنا ونسلط الضوء عليها نساعد أطفالنا على المحافظة عليها وتنميتها وتكرارها؛ 

فالصفة الإيجابية بحاجة للتنمية والرعاية وإلا ذبلت كما تذبل الزهرة .

الخلاصة :

كوني متعة لطفلك يحترمك ، ولا تكوني ألـماً له..

 لتكوني متعة : أولادي أولوية في حياتي / وجه مبتسم / كلام طيب / حضن ..

 لا تكوني ألما : خوف / ضرب / صراخ / شتم / إجبار / كثرة المواعظ / الضبط الزائد ..

يجب عدم إجبار الطفل على إعطاء شئ للآخرين بالرغم عنه..فالأطفال يعلمون كيف يتعاملون بعضهم البعض والطفل إلى سن 7 سنوات أناني ( يشكل ذاته ) .

الطفل الذي يرغم على شي دائما يرجع من المدرسة بأدوات ناقصة ..